Amilaza

Amilaza insan orqanizmində ağız suyu vəzilərində və mədəaltı vəzidə sintez edilir. Mürəkkəb karbohidratların  (polisaxaridlərin) həzmi və bağırsaqlardan sorulması üçün bu fermentin müstəsna dərəcədə böyük əhəmiyyəti vardır. Qanda az miqdarda amilaza olur. Amilazanın sintez edildiyi vəzilərin axacaqlarının müxtəlif səbəblərdən tutulması və ya iltihabı nə­ticəsində bu fermentin bir hissəsi qana keçərək, orqanizmdən böyrək vasitəsilə xaric edilir. Buna görə amilazanı həm qanda, həm də sidikdə təyin edirlər. Qan serumunda amilaza aktivliyi artdıqda sidikdə də bu fermentin aktivliyi artır.

Artmasına səbəb  olan hallar:

Əsasən kəskin pankreatitdə olur hiperamilazemiya və hiperamilazuriya, bəzən digər xəstəliklərdə də arta bilər: kəskin appendisit, peritonit, perforativ mədə və 12-barmaq bağırsaq xorası, bağırsaq keçməməzliyi, xolesistit, müsariqə damarlarının trombozu, feoxromasitoma, diabetik asidoz, ürək qüsuruna görə əməliyyatdan sonra, qaraciyər rezeksiyasından sonra.

Azalması müşahidə olunan hallar:
Tireotoksikoz, miokard infarktı, mədəaltı vəzin nekrozunda qanda aktivliyi azalır.