Bəs əsnəkdən yaxma hansı hallarda götürülməlidir?
- Tez-tez təkrarlayan irinli anginalar;
- Boğazda qaşınma hissi (göbələk təyini üçün);
- Quru və uzunmüddətli öskürək;
- Exo müayinəsi zamanı ürək qapaqlarında qalınlaşma;
- Revmatik sınaqları pozitiv çıxan simptomatik xəstələrdə.
İstifadə məqsədi:
Bakterial faringit və tonzillit kimi yuxarı tənəffüs yolu infeksiyalarının dəyərləndirilməsi məqsədi ilə istifadə olunur. Kəskin tonzillofaringitlərin təxminən 85-90%-də virus törədicilər, 10-15%-də bakterial törədicilər tərəfin yaranır. Kliniki olaraq ən böyük əhəmiyyətə malik bakterial törədici, A qrupundan beta-hemolitik streptokok, yəni Streptococcus pyogenesdir. Staphylococcus aureus və qram-neqativ basillər üst tənəffüs yolu infeksiyalarının daha kiçik bir hissəsinə cavabdehdir. Streptococcus pyogenes, kəskin üst tənəffüs yolu infeksiyasısı ilə yanaşı, impetiqo və piodermiya kimi qeyri-irinli xəstəliklərə xəbəb olur.
Nümunə: Boğaz yaxması steril bir tampon ilə götürülərək Stuart transport qidalı mühitində göndərilir. Nümunənin götürülməsi zamanı, tamponun badamcıqlara və orofarinksə sürtülməsinə, dilə təmas edilməməsinə diqqət edilməlidir. Nümunə verən şəxsin prosedurdan öncə ən azı 48 saat ərzində antibiotik qəbul etməmsi lazımdır.