Spermoqramma Plus

Əgər bir cütlük ən azı bir ildir müntəzəm cinsi münasibətdə olmasına baxmayaraq hamiləlik əldə edə bilmirsə və qadında hər hansı bir problem aşkar edilməyibsə, bu halda kişinin spermoqramma testi verməsi tövsiyə olunur. Bəs Spermoqramma Plus analizlərinin fərqi və üstünlüyü nələrdir?
Belə ki, standart bir spermoqramma analizində klinik nümunənin həcmi, pH, aglütinasiyası, spermatozoidlərin konsentrasiyası və hərəkətliliyi, morfologiyası dəyərləndirilir. Əgər spermatozoidlərin hərəkətində və morfolologiyasında morfopatolojik dəyişikliklər görülsə bu halda klinik nümunənin Embrioloqlar tərəfindən ətraflı baxışı məsləhət görülür. Embrioloq baxışı zamanı Dünya Səhiyyə Təşkilatının kriteriyalarına əsasən hüceyrələrin ayrı-ayrılıqda patoloji dəyərlənidirilməsi aparılır və baş, boyun, quyruq patologiyaları dərindən araşdırılır.
Yumurta hüceyrə ilə döllənmə potensialı normal morfoloji quruluşa sahib spermatozoidlər üçün keçərli olduğunu nəzərə alaraq, müalicə həkimləri və pasientlər üçün Spermotozoid hüceyrə hissələrinin ayrı ayrılıqda dəyərləndirilməsi bir işıq olacaqdır və bu da cütlüklərin əlavə vaxt itgisinin qarşısını alacaqdır.