Kron-Kolit PANELİ

Kron xəstəliyi – bağırsaqların xroniki və ya daimi iltihabi xəstəliyi olub, həzm sisteminin zədələməsi ilə özunu göstərir. Kron xəstəliyi ağız boşluğundan düz bağırsağa qədər olan nahiyəni zədələyir, lakin yerindən asılı olaraq özünü müxtəlif formalarda göstərir. Eyni zamanda gözdə, dəridə və oynaqlarda da simptomlarına rast gəlinə bilər.

Kron - Kolit paneli pasiyentin qanında müəyyən dərəcədə ulseratif kolit və ya Kron xəstəliyi üçün xarakterik olan antikorları müəyyən etməyə yönəlmiş analizlər toplusudur.

Antineytrofil sitoplazmik antikorlar (ANCA) neytrofillərin sitoplazmasının komponentlərinə, əksər hallarda onların qranullarının tərkibinə qarşı antikorlardır. Onlar bir çox sistemik xəstəliklərdə, o cümlədən iltihablı bağırsaq xəstəliklərində aşkar edilir.

Saccharomyces cerevisiae (ASCA) təbii qida antigeni olan çörəkçi mayasının hüceyrə divarının karbohidrat komponentlərinə qarşı anticisimlərdir. IgG və ya IgA ola bilər. ANCA-dan fərqli olaraq, onlar autoantikor deyillər, çünki onlar bədənin özünün deyil, göbələk antigenlərinə yönəldilmişdir.


Analiz üçün hansı biomaterial istifadə edilə bilər? Venoz qan.
Analizə necə düzgün hazırlaşmaq olar? Testdən 30 dəqiqə əvvəl siqaret çəkməyin.

Analiz nə üçün istifadə olunur?
-   Qeyri-spesifik xoralı kolit və Kron xəstəliyinin differensial diaqnostikası üçün, ilk növbədə, endoskopik və patomorfoloji tədqiqat metodlarından istifadə etmək mümkün olmadıqda, habelə onların məlumat məzmunu aşağı olduqda.

Analiz nə vaxt təyin olunur?
-  İltihabi bağırsaq xəstəliklərinin tərkib hissəsi kimi mədə-bağırsaq traktının zədələnməsinin kliniki simptomları olduqda, xüsusilə kolit şəklində (qanla qarışıq ishal, tenesmus, qəbizlik, bağırsaq hərəkətləri zamanı ağrı, qızdırma, arıqlama).

Nəticələrin dəyərləndirilməsi
-   Müsbət atipik p-ANCA və mənfi ASCA xoralı kolitin mövcudluğunu göstərir.
-   Mənfi p-ANCA və müsbət ASCA Kron xəstəliyini göstərir.

Kron-Kolit panelinə daxildir:
-   ANCA IFR (cANCA, pANCA)
-   Kalprotektin kart test
-   Laktoferrin kart test
-   ASCA IgG
-   ASCA IgA

QEYD! Panel daxili təyin olunan parametrlər istifadə olunan reaktivlərə görə dəyişə bilər. Müraciət zamanı panel daxili aparılan müayinələr ilə bağlı yerindəcə məlumat almağınız xahiş olunur.