Yeni nəsil sekanslama olaraq da adlandırılan NGS (Next Generation Sequencing), ümumi olaraq xromosom skrininqində istifadə edilən bir texnologiya olaraq IVF müalicəsində Preimplantasiya Genetik Skrininq (PGS) üsullarına daxil edilməyə başlanmış ən yeni və ən əhatəli xromosom skrininq testidir. NGS metodu IVF müalicəsi çərçivəsində embrionlara köçürülmədən əvvəl tətbiq edilən və embrionların xromosomlarında genetik problemləri aşkarlayan hərtərəfli xromosom analizi üsuludur. Bu üsulla məqsədimiz transferdən əvvəl embrionlar üzərində genetik analizlər edərək sağlam embrionları seçmək və təbii ki, sağlam hamiləlik şansını artırmaqdır. Bu testlə 24 xromosomun hamısı yoxlanılır. Tətbiq edilmiş və bu günə qədər məlum olan müxtəlif PGS üsulları ilə müqayisədə NGS yüksək intensivlikli skrininq təmin edir, hətta bəzi translokasiyaları və həmçinin xromosomlarda baş verə biləcək struktur dəyişiklikləri aşkar etməyə imkan verir. Qısacası, NGS embrionlarda hərtərəfli xromosom skrininqi həyata keçirərək sağlam hamiləlik şansını artırır.