Albumin

Albumin plazmanın əsas zülalıdır. İnsan qanının plazmasında albuminlərin qatılığı orta hesabla 4,5 q/dl olur və plazmadakı zülalların ümumi miqdarının 60%-ni təşkil edir. Bioloji ma­yelərdə olan albuminlərin 40%-ə qədəri qan plazmasında, 60%-ə qədəri isə hüceyrəarası mayenin və limfanın tərkibində toplanır. Qaraciyərdə gün ərzində 12 qrama qədər albumin sintez edilir. Qan plazmasında albumin/qlobulin nisbəti 1-2,5 arasın­da dəyişə bilər. Plazma albumininin yarımsirkulyasiya müddə­ti 17-26 gündür. Albuminlər müxtəlif metal ionlarını, fermentləri, hormonları və dərman preparatlarını özlərinə birləşdirir.

Normal göstəriciləri: qanda 35-50q/l, ümumizülalın 40-60%-i.

Artmasına səbəblər:
-  dehidratasiya (susuzlaşama).

Azalmasına səbəblər:
-   aclıq;
-   albumin sintezinin pozulması;
-   amiloidoz;
-   böyrək çatmamazlığı;
-   hamiləliyin III trimestri;
-   hepatitin kəskin dövrü;
-   infeksion-iltihabi xəstəliklər;
-   kardiospazm;
-   qanitirmə;
-   qaraciyər sirrozu;
-   qaraciyərin piy distrofiyası;
-   qida borusu, mədə, bağırsaq şişləri;
-   qızdırmalı vəziyyətlər;
-   qlomerulonefrit;
-   malabsorbsiya sindromu;
-   nefrotik sindrom;
-   ödem sindromu, ekssudatlar;
-   sepsis;
-   şəkərli diabet;
-   yumşaq toxumanın həcmli zədələnmələri (yanıqlar, davamlı əzilmə sindromu, absess).