Intracellular Zinc
Qandakı total sinkin 75-88%-i eritrositlərin daxilində olduğundan, bədənin orta müddətdəki sink səviyyəsinin dəyərləndirilməsi məqsədi ilə eritrosit daxili konsentrasiyanın ölçülməsinə üstünlük verilə bilər. Oraq hüceyrəli anemiyada, eritrosit daxili sink səviyyəsi aşağı olur. Ancaq bu xəstəlikdə serumda sink konsentrasiyasının da aşağı olduğu, sink bərpası ilə xəstəliklə əlaqəli əlamətlərin və krizlərin azaldığı bildirilir. Sink defisitinin ən çox rast gəlinən səbəbi pəhriz zamanı miqdarının çatışmazlığı və əsasən lif miqdarı yüksək olan qidaların qəbuludur. Qaraciyər sirrozu, digər hepatosellulyar xəstəliklər, xoralı kolit, Chron xəstəliyi, regional enterit, leykemiya və limfomalar da daxil olmaqla neoplastik xəstəliklər, ağciyər vərəmi, major talassemiya, kəskin infeksiyalar, hamiləlik və anabolik steroid istifadəsi serumda sink azalmasına şərait yaradan ən vacib klinik səbəblərdir. Orta dərəcədəki sink çatışmazlığında, böyümə və cinsi inkişaf ləngiməsi, hipoqanadizm, cinsi yetişkənliyin ləngiməsi olur. Dermatit, yara sağalmasında ləngimə, iştahanın azalması, dad hissiyatında zəifləmə, qaranlığa adaptasiya çətinliyi, emosional stabillik pozğunluğu, psixi halsızlıq, immun cavabın zəifləməsi, anemiya, hipoalbuminemiya, qaraqciyər və dalaq böyüməsi rast gəlinə bilər.
Sinkin artması :
• ateroskleroz;
• hamiləlik müddətində;
• həqiqi polisitemiya;
• hiperparatireoz (sidikdə);
• hipertireoz
• osteosarkoma zamanı müşahidə olunur.
Azalması isə:
• dəmir defisitli anemiya;
• həzm orqanlarının xroniki xəstəlikləri;
• hipoqonad cırtdanlıq;
• irsi enteropatik akrodermatit;
• kəskin miokard infarktı;
• kəskin və xroniki infeksion xəstəlik;
• qaraciyər sirrozu;
• qarın yatalağı;
• leykozlar;
• oraqşəkilli hüceyrə anemiyası (eritrositlərdə);
• postqastroektomik sindrom;
• sitostatiklərlə müalicə;
• şəkərli diabet;
• uremiya;
• vərəm zamanı müşahidə olunur.