Bruselyoz xəstəliyinin diaqnostikasında istifadə olunur.
Xəstə heyvanlardan alınan süd və ət məmulatları epidemioloji təhlükə törədir. Heyvanlar ifrazat məhsulları ilə torpağı, suyu, yemi çirkləndirirlər ki, bunlar da insan üçün yoluxma ocağı ola bilər.
Bruselloz dayaq-hərəkət, sinir və sidik-cinsi sistemi zədələyir. Kliniki mənzərədən asılı olaraq kəskin, yarı-kəskin, xroniki və rezidual formaları ayırd edilir. Keçirilən infeksiyadan sonra 6-9 ay ərzində immunitet qalır. Yenidən brusellaya yoluxma 2-7% hallarda müşahidə olunur.
Hamilələrdə bruselloz zamanı bətndaxili infeksiyanın dölə ötürülməsi mümkündür.
Həmçinin postnatal olaraq laktasiya ilə də körpəyə ötürülə bilər.
Analiz üçün göstərişlər:
- Buselloz simptomları zamanı: 39-40 dərəcə qızdırma, titrətmə, tərləmə, əzginlik, mialgiya, artralgiya, artrit;
- Əhalinin epidemioloji müayinəsi;
- Qrip, qarın yatalağı, malyariya, infeksion mononukleoz, leptospiroz, limfoqranulematoz, revmatoid poliartritlə differensial diaqnostika;
- Sidik cinsiyyət sistemi və oynaqların izolə olunmuş zədələnməsi zamanı (uyğun anamnez varsa) Brucella Kumbs testi Brusella infeksiyası ehtimalının dəyərləndirilməsi məqsədi ilə istifadə olunur.
Kəskin hallarda brusella antitelləri, infeksiyanın ikinci həftəsindən etibarən yüksəlməyə başlayır. Pik rəqəmə 3-6 həftələr arasında çatır. 1:160 titrə yaxın zamanda keçirilmiş və ya hələ keçirilməkdə olan xəstəlik ehtimalını dəstəkləyir. Bakteriemiyası olan xəstələrin 90%-dən çoxunda 1:320-dən daha yüksək titrdə pozitivlik olur.
10-14 gün fasilə ilə götürülən, kəskin və sağalma dövrü nümunələri arasında 4 qat titrə yüksəlməsi, xəstəlik ehtimalını qüvvətlə dəstəkləyir.
Anthuman globulin testi (coombs-lu), xroniki brusellyozda IgG tipi natamam antitelləri müəyyən edir.IgG antitellərinin persistentliyi aktiv infeksiyanın davam etdiyini göstərir.