Mikoplazmoz
Mikoplazma pnevmoniyaları (bəzən “atipik pnevmoniyalar” adlanır) cəmiyyətdən qaynaqlanan pnevmoniyaların bütün hallarının 15-20%-ni təşkil edir. İnfeksiya mənbəyi həm xəstələr, həm də daşıyıcılardır. İnfeksiya hava damcı yolu ilə baş verir, inkubasiya dövrü 2-3 həftə davam edir. Mikoplazma infeksiyasının simptomları müxtəlifdir. Əksər hallarda xəstəlik yüngül keçir və bir neçə həftə davam edən öskürək, burun axması, boğaz ağrısı ilə müşayiət olunur. İnfeksiya aşağı tənəffüs yollarına keçdikdə baş ağrıları, intoksikasiya, qızdırma, əzələ ağrıları baş verir. Pnevmoniyanı ən çox uşaqlar, eləcə də immuniteti zəif olan insanlar ağır keçirir.
"Mikoplazma infeksiyası" diaqnozunu qoymaq çox vaxt çətindir, buna görə də seroloji testlərin aparıcı rol oynadığı bir neçə tədqiqat metodu istifadə olunur.
Mycoplasma pneumoniae infeksiyasına cavab olaraq immun sistemi spesifik immunoqlobulinlər sintez edir: IgA, IgM və IgG.
Mycoplasma pneumoniae üçün G sinif immunoqlobulinlərinin sintezi yoluxmadan təxminən 2-4 həftə sonra əmələ gəlir və uzun müddət (bir il və ya daha çox) davam edir.
Qanda Mycoplasma pneumoniae-ya qarşı G sinif immunoqlobulinlərinin olması kəskin və ya keçirilmiş xəstəliyi, xroniki iltihab prosesini və ya təkrar infeksiyanı göstərir. Atipik pnevmoniya klinikası olan xəstələrdə, Mycoplasma pneumania infeksiyası ehtimalının dəyərləndirilməsi məqsədi ilə istifadə olunur.
Tədqiqat nə üçün istifadə olunur?
- "Kəskin mikoplazmal infeksiya" diaqnozunu təsdiqləmək üçün.
- Mikoplazmal pnevmoniya və tənəffüs yollarının digər yoluxucu xəstəliklərinin, məsələn, streptokokların və ya stafilokokların səbəb olduğu pnevmoniyaların differensial diaqnozu üçün.
Tədqiqat nə vaxt təyin olunur?
- Mikoplazmanın səbəb olduğu xəstəliyin əlamətləri ilə (bir neçə həftə davam edən öskürək, qızdırma, boğaz ağrısı, baş ağrıları və əzələ ağrısı).
Mənfi nəticə:
- infeksiya yoxdur;
- immun reaksiyanın inkişaf etmədiyi infeksiyanın çox erkən dövrü;
- xroniki mikoplazma infeksiyası (IgG və / və ya IgA müsbət olarsa);
Müsbət nəticə:
- cari mikoplazma infeksiyası.
Nəticəyə nə təsir edə bilər?
- Təhlilin nəticələri immun sisteminin pozğunluqlarından, autoimmun xəstəliklərdən, HİV-dən təsirlənə bilər.
- Digər növ mikoplazmaların, ureaplasmanın səbəb olduğu yoluxucu xəstəliklər yanlış müsbət göstəriciyə səbəb ola bilər.
- Mycoplasma pneumoniae ilə infeksiyanın diaqnozu mütləq hərtərəfli olmalıdır - epidemioloji tarixdən, klinik mənzərədən və digər testlərdən alınan məlumatları dəyərləndirərək. M və G sinif immunoqlobulinlərinin təyini mütləqdir.
- Mikoplazmaya qarşı immunitet qeyri-sabitdir, təkrar infeksiya mümkündür.