Hirsutizm PANELİ (LC MS/MS)

Hirsutizm - qadınlarda androgenə həssas hissələrdə - üzdə, üst dodaqda, çənə və çənəaltı nahiyyədə, sinə arasında, gilə ətrafında, qarın və göbək ətrafında kişilərə xas olan tüklərin əmələ gəlməsidir. Hirsutizm 5% qadınlarda müşahidə olunur. Səbəbi isə qadınlarda mövcud olan kişi cinsi hormonların (androgenlərin) müxtəlif səbəblərdən artmasıdır. Bu hormonal pozğunluqdan bədən səthində olan yumşaq və nazik tüklər qalın və uzanan tünd tüklər ilə əvəz olunur. 
Hirsutizm menstrural pozğunluq, sonsuzluq, saç tökulməsi, saçın ön hissədə seyrəkləşməsi, artıq çəki, akne ilə müşahidə olunur.

 Hirsutizm hansı xəstəliklərdə yaranır?

Hirsutizm yumurtalıqların polikistoz sindromu, anadangəlmə böyrəküstü vəzin qabıq qatında pozğunluq, Kuşinq sindromu, hipotireoz, prolaktinoma zamanı yaranır. İdiopatik hirsutizm zamanı hisutizmin səbəbi aşkarlanmır, qadınlarda menstural tsikl, kişi hormonlarının qanda göstəricisi, reproduktiv funksiya normal olur.

Hirsutizm Panelinə daxildir:

• DHEA (LC MS/MS) 

• FSH

• Lüteinləşdirici hormon (LH)

• Prolaktin (PRL) 

• DHEA-S (LC MS/MS)

• Dihidrotestosteron (LC MS/MS)

• Androstenedion (LC MS/MS)

• Testosteron (LC MS/MS)

• Kortizol (LC MS/MS)

• 17-OH Progesteron (LC MS/MS)